«ҚМГ Қашаған Б.В.» ЖШЖК 2005 жылғы қазанда «ҚазМұнайГаз» Ұлттық Компаниясы акционерлік қоғамымен (ҚМГ) құрылды. Компания Қазақстан Республикасындағы қызметін «ҚМГ Қашаған Б.В.» ЖШЖК-нің Қазақстан Республикасындағы филиалы арқылы жүзеге асырады. Филиал 2006 жылы тіркелген. Компанияның негізгі міндеті — Солтүстік Каспий бойынша Өнім бөлісу туралы келісіміндегі (ӨБК) Қазақстанның 16,88% үлесін басқару. ҚМГ Қашағанның СКЖ басқаруға қатысуы қамтитын салалар: ҚМГ мүдделерін ӨБК шеңберінде ұсыну және Каспий теңізінде көмірсутек қорларын барлау мен өндіру жөніндегі мұнай операцияларына қатысу. Мұнай операцияларын және СКЖ бойынша өзге де шығыстарды қаржыландыру, сондай-ақ шығындарды есепке алу. Қазақстандық қамтуды арттыруға және кадрларды ұлттықтандыруға жәрдемдесу. Мұнай мен ілеспе өнімдерді өндіру, тасымалдау және сату үдерісін қамтамасыз ету. Кен орнындағы өндіріс 2016 жылдың қыркүйек айының соңында басталды.
- представление интересов КМГ в СРП и участие в проведении нефтяных операций по разведке и добыче углеводородных ресурсов в Каспийском море в рамках СКП.
- финансирование нефтяных операций и других затрат по СКП, учет затрат.
- содействие в увеличении казахстанского содержания и национализация кадров
- обеспечение выборки, транспортировки и маркетинга нефти и попутных продуктов.
Добыча на месторождении началась в конце сентября 2016 года.

Қашаған – әлемдегі ең ірі мұнай-газ кен орындарының бірі. Ол Каспий теңізінің солтүстік бөлігінде, Атырау қаласынан шамамен 80 км қашықтықта орналасқан. Кен орны 2000 жылы ашылды – КВ-1 барлау ұңғымасын сынау кезінде Шығыс Қашаған құрылымының тұзасты карбонатты қабаттарынан өнеркәсіптік мұнай ағымы алынған. Геологиялық мұнай қоры 35 млрд баррельден астам, ал алынатын қоры шамамен 9–13 млрд баррель деп бағаланады.

ҚМГ Қашаған көп жылдық қызметі барысында мол тәжірибе жинақтап, халықаралық деңгейдегі жобаларды басқаруда елеулі жетістіктерге қол жеткізді. Компанияда жоғары білікті мамандар еңбек етеді, олардың кәсіби білімі мен адалдығы тиімділік пен жаңашылдықтың ең жоғары стандарттарын сақтауға мүмкіндік береді. Әрбір қызметкер компанияның стратегиялық мақсаттарын табысты іске асыруға айрықша үлес қосады.

ҚМГ Қашағанның басты басымдықтары – Қашаған кен орнында көмірсутектер өндіру көлемін арттыру, бизнестің тұрақтылығын қамтамасыз ету және басқару тиімділігін жетілдіру. Компания осы мақсаттарға тұрақты даму қағидаттарын ұстана отырып белсенді түрде ілгерілеп келеді. Бұл ұстаным компанияның халықаралық нарықтағы орнын нығайтып, Қазақстанның мұнай-газ саласының дамуына өз үлесін қосуда.

ҚМГ Қашаған шикі мұнайды, газды және күкіртті халықаралық нарықтарға белсенді түрде экспорттайды, бұл компанияның қаржылық тұрақтылығын нығайтатын және табыстың маңызды көзі болып табылады. Компания Каспий құбыр консорциумы, «ҚазТрансОйл» және Баку–Тбилиси–Джейхан мұнай құбыры жүйелерін қоса алғанда, дамыған көлік инфрақұрылымын тиімді пайдалану арқылы шығындарды азайтып, логистикалық үдерістерді оңтайландырады. ҚМГ Қашағанның экспорттық қызметі тұрақты қаржылық түсімді қамтамасыз етіп қана қоймай, халықаралық серіктестермен ұзақ мерзімді ынтымақтастықты нығайтады, осылайша тұрақты бизнес өсімін қолдап, Қазақстанның жаһандық энергетика нарығындағы беделін арттырады.